U Hłybokim asudzili za nacyjanalnuju simvoliku zahadčyka adździeła miascovaj kramy
Sudździa suda Hłybockaha rajona Alaksandr Alaksiejenka 11 studzienia za «parušeńnie paradku arhanizacyi i praviadzieńnia pikietavańnia ŭ sacyjalnych sietkach» pakaraŭ aryštam na 10 sutak zahadčyka adździeła miascovaj kramy Alaksandra Zarembu, piša «Viciebskaja viasna».
Fota ilustracyjnaje
Na sudovym pasiadžeńni było paviedamlena, što Alaksandr u sacyjalnych sietkach Facebook i Instagram raźmiaściŭ publikacyi z vyjavaj BČB-simvoliki i hierba «Pahonia», čym, na dumku supracoŭnikaŭ miascovaha RAUS, vykazvaŭ asabistyja pohlady na padziei hramadska-palityčnaha žyćcia padčas i paśla vybaraŭ 2020 hoda. Pry hetym, maŭlaŭ, Zaremba nie atrymaŭ dazvołu na praviadzieńnie masavaha mierapryjemstva ŭ čynoŭnikaŭ Hłybockaha rajonnaha vykanaŭčaha kamiteta.
Sudździa Alaksiejenka ŭličyŭ, što «pravaparušalnik» pryznaŭ svaju vinu i na padstavie č. 1 art. 24.23 KaAP vyrašyŭ pakarać Zarembu administracyjnym aryštam terminam na dziesiać sutak.
Čytajcie taksama:
Što staić za siońniašnim chapunom i masavymi vobšukami
Byvaje i takoje. Sud u Viciebsku spyniŭ administracyjnuju spravu za «ekstremizm»
U Homieli za palityku paciarpieŭ jašče adzin praŭładny prafsajuźnik