BIEŁ Ł RUS

Rasija raźmiaściła zbroju ŭ kosmasie

22.05.2024 / 19:25

Nashaniva.com

Pres-sakratar Pientahona Patryk Rajder zajaviŭ, što Rasija raźmiaściła ŭ kosmasie supraćspadarožnikavy aparat. Sa słoŭ pradstaŭnika Minabarony ZŠA, aparat byŭ vyviedzieny na arbitu 16 traŭnia, paviedamlaje «Mieduza».

Skrynšot ilustracyjny, videa «Raskosmasa»

«Rasieja zapuściła na nizkuju kalaziamnuju arbitu spadarožnik. Pavodle našych acenak, heta, imavierna, supraćkaśmičnaja zbroja, mierkavana zdolnaja atakavać inšyja spadarožniki na nizkaj kalaziamnoj arbicie», — adznačyŭ Rajder.

Rasijski aparat vyvieli na tuju ž arbitu, na jakoj znachodzicca ŭradavy spadarožnik ZŠA. Raniej pra toje, što Rasija vyvieła supraćspadarožnikavy aparat u kosmas, paviedamlaŭ pastajanny pradstaŭnik ZŠA ŭ AAN Robiert Vud.

Pres-sakratar Uładzimira Pucina Dźmitryj Piaskoŭ zajaviŭ, što Rasija dziejničaje ŭ adpaviednaści ź mižnarodnym pravam i ničoha nie parušaje. Pavodle jaho, Maskva vystupała za zabaronu zbroi ŭ kosmasie, ale hetyja inicyjatyvy adkinuli, u tym liku ZŠA.

Amerykanskaja raźviedka ličyć, što Rasija raspracoŭvaje kaśmičnuju jadziernuju zbroju.

Čytajcie taksama:

U Rasii pačali vučeńni pa adpracoŭcy prymianieńnia jadziernaj zbroi

Vučeńni pa vykarystańni taktyčnaj jadziernaj zbroi. Jakaja ŭ ich rola Biełarusi i ci buduć zadziejničany sapraŭdnyja bojehałoŭki

Apublikavanyja novyja zdymki mierkavanaj bazy jadziernaj zbroi pad Asipovičami. Što na ich?

Kamientary da artykuła