Paśla pravierki Abielskaj u viciebskaj balnicy zvolnili hałoŭnaha doktara
U balnicu chutkaj dapamohi ŭ Viciebsku prysłali pravierku akazańnia ekstrannaj dapamohi na čale z hałoŭnaj doktarkaj Respublikanskaha miedycynskaha centra Irynaj Abielskaj. Paśla jaje, jak paviedamlaje inicyjatyva «Biełyja chałaty», u balnicy prajšli zvalnieńni.
Fota ilustracyjnaje
Pavodle infarmacyi «Biełych chałataŭ», paśla pravierki stracili pasady hałoŭny doktar ustanovy Andrej Zacharaŭ, hałoŭnaja miedsiastra Nadzieja Rybałka i zahadčyk adździaleńnia aniestezijałohii i reanimacyi Vasil Musijčuk.
Vykanaŭcam abaviazkaŭ hałoŭnaha doktara ciapier nibyta pryznačyli raniejšaha namieśnika Zacharava pa miedycynskaj častcy Alaksandra Vińnikava.
@nashanivanews Vizit mamy Koli Łukašenki skončyŭsia začystkaj #vitiebsk #viciebsk #našaniva #biełaruś #miedicina #biełorusy #łukašienko ♬ Crime Scene - Avery Alexander
Aficyjna pra hetyja zvalnieńni nie paviedamlałasia, ale z raździeła «Administracyja» na sajcie balnicy sapraŭdy źnikła infarmacyja pra hałoŭnaha doktara.
Andrej Zacharaŭ byŭ pryznačany na pasadu hałoŭnaha doktara Viciebskaj haradskoj kliničnaj balnicy chutkaj miedycynskaj dapamohi vosieńniu 2020 hoda.
Čytajcie taksama:
U Babrujsku pad kołami aŭto zahinuŭ aŭtarytetny doktar-ankołah
Našto Abielskaja pajšła ŭ sienatary? Raspytali jaje infarmavanych kaleh