Siońniašniaj nočču znoŭ možna čakać palarnaha źziańnia
Na Soncy adbylisia mahutnyja ŭspyški, jakija pryviali da karanalnaha vykidu masy. Jak paviedamlaje resurs EarthSky, soniečnaje rečyva ciapier nakiravałasia da Ziamli, tamu siońnia i zaŭtra možna čakać palarnych źziańniaŭ.
Zdymak ilustracyjny. Fota: EarthSky Community Photos / Jeremy Likness
Vydańnie piša, što na soncy mahčyma pavieličeńnie kolkaści M– i navat Ch-uspyšach. Z-za karanalnaha vykidu masy ad uspyški M1.2 AR3711, jakaja adbyłasia 12 červienia, jość vierahodnaść palarnych źziańniaŭ na ziamli z kanca siońniašniaha dnia da pačatku zaŭtrašniaha, 16 červienia.
Taksama paviedamlajecca, što aktyŭnaść Sonca na praciahu apošnich sutak umieranaja, uspyška kłasa M była adzinkavaj. Mahnitnaje pole Ziamli spakojna.
U suviazi z tym, što karanalny vykid masy, jaki adbyŭsia na Soncy 12 červienia, moža prybyć da Ziamli siońnia, 15 červienia, pozna ŭviečary ci zaŭtra, 16 červienia, rana ranicaj, vierahodna, adbudziecca ŭzmacnieńnie hieamahnitnych uzbureńniaŭ.
Čytajcie taksama:
Mahnitnaja bura nakryje Ziamlu ŭ noč na 1 červienia
Nad usioj Biełaruśsiu ŭnačy fiksavalisia «sierabrystyja abłoki» FOTY
Nad Biełaruśsiu nočču možna było lubavacca paŭnočnym źziańniem FOTA