«Kałab vieku!» Manietačka źniała rolik pad chit niaviestki Łukašenki

Chto vinavaty ŭ raspaŭsiudzie tvorčaści Hanny Siałuk na miljonnuju aŭdytoryju rasijskaj śpiavački?

Manietačka ź Ivanam Prusam i Hlebam Siamionavym. Kadr z tyktoka

Najpapularniejšaja rasijskaja śpiavačka Manietačka, jakaja paśla šyrokamaštabnaha ŭvarvańnia va Ukrainu źjechała z Rasii i trapiła ŭ śpis zabaronienych artystaŭ, źniała niečakany tyktok. 

U roliku śpiavačka vychodzić da svaich padpisčykaŭ pad pieśniu «Biełaruskaja žonka» ŭ vykanańni mahiloŭskaha śpievaka Dźmitryja Azaranki. Pieśnia ŭschvalaje damastrojeŭski vobraz žonki, jakaja «rubit, siejet, pašiet, i nie žałujetsia dažie». «Biełaruskaja žonka» letaś naśmiašyła biełaruski internet, jak i jaje vykanaŭca, jaki biessaromna nachvalvaŭ aŭtarku słoŭ na dziaržaŭnym telebačańni.

@monetochkaliska

♬ orihinalnyj zvuk - azarenkoofficial

«Biełaruskuju žonku» napisała samaja ŭpłyvovaja aŭtarka apošnich hadoŭ, dvojčy łaŭreatka «Pieśni hoda Biełarusi» — Hanna Siałuk, jakaja pa byccam by vypadkovym supadzieńni akazałasia jašče i niaviestkaj Łukašenki. Pieśni žonki Dźmitryja Łukašenki siońnia dajuć małaviadomym biełaruskim artystam bilet na estradu, a taksama — u padborku adbornaha kryndžu na šou «O(b)suždajem».

Mienavita viadoŭcy hetaha jutub-šou, biełaruskija błohiery Ivan Prus i Hleb Siamionaŭ, źjavilisia razam z Manietačkaj u roliku. Niekatoryja z fanataŭ śpiavački navat spačatku zbłytali jaje z doŭhavałosym Hlebam.

«Prabačcie, ja splu? Heta najlepšy kałab u śviecie?», «Kałab vieku!», «Jak hetyja suśviety sustrelisia?» — nie chavali svaich emocyj biełarusy ŭ kamientaryjach.

A ŭsio pačałosia z taho, što niadaŭna rasijskaja śpiavačka, u jakoj u tyktoku 3 miljony padpisčykaŭ, padpisałasia na akaŭnt šou «O(b)suždajem». «Dyk što, my ciapier siabry?».

Daviedajemsia pra heta, vidać, užo ŭ nastupnym vypusku hetaj zabaŭlalnaj biełaruskaj pieradačy.

@kykyorg U mienia MOŜNAJA dieriealizacija ŝas…@monetochkaliska #biełaruś #biełtyktok #biełaruskiciktok ♬ To_šo_mi_tiepier_druzi - JOLINE

Zusim niadaŭna ŭ šou «O(b)suždajem» źjaŭlałasia papularnaja rasijskaja muzykalnaja krytyca Hanna Vilenskaja, jakuju taksama załučyli da tvorčaści niaviestki Łukašenki.

«Tam nie nabirajecca navat na troječku ź minusam», — vyniesła tady Vilenskaja vyrak pieśni «Biełaruskaja žonka» Hanny Siałuk, źviarnuŭšy ŭvahu na pamyłki ŭ muzyčnaj harmonii i «zabaronienyja chady». 

Kamientary da artykuła