U Biełarusi zabłakavali Livejournal
Niekali papularny sajt z błohami nie adkryvajecca ŭ Biełarusi. Prablemy z dostupam uźnikali i raniej, adnak tady zahłuški z paviedamleńniem Mininfarma nie było.
Skrynšot Onliner
U Biełarusi abmiežavali dostup da niekali vielmi papularnaha sajta Livejournal.
Pry sprobie zajści na sajt źjaŭlajecca zahłuška, jakaja paviedamlaje, što dostup abmiežavany pa rašeńni Mininfarma, piša Onliner.
Takaja situacyja nazirajecca ŭ niekalkich internet-pravajderaŭ. Pry hetym, jak adznačaje vydańnie, adzin raz sajt usio ž adkryŭsia — na stacyjanarnym kampjutary.
Ministerstva infarmacyi pakul nie paviedamlała pra błakavańnie Livejournal. Prablemy z dostupam da ŽŽ źjavilisia ŭ Biełarusi ŭ kastryčniku, adnak tady zahłuški z paviedamleńniem Mininfarma nie było — sajt prosta nie adkryvaŭsia.
Livejournal (ŽŽ) źjaviŭsia ŭ 1999 hodzie. Płatforma dazvalała vieści błohi i mieć znosiny. Sajt atrymaŭ vialikuju papularnaść u 2000-ja hady, adnak z raźvićciom sacsietak jana pajšła na spad.
Čytajcie taksama:
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva