U Miensku zakatavali historyju Biełarusi
Ekzekucyju praviali pierad Jakubam Kołasam na vačach minakoŭ u centry stalicy.
Praź niejkuju hadzinu paśla ŭračystaj liniejki la bramy humanitarnaha Liceju pradstaŭniki demakratyčnaj moładzi praviali fłeš-mob na płoščy Jakuba Kołasa pryśviečany taksama prablemie biełaruskamoŭnaha navučańnia.
Čaćviora chłopcaŭ vynieśli i pastavili pasiarod płoščy impravizavanuju šybienicu. Praz chvilinu z boku kaviarni «Na rostaniach» źjaviŭsia kat u čyrvona-zialonaj vopratcy. Jon nios z saboj bieł-čyrvona-bieły padručnik pa historyi Biełarusi. Naša historyja jakraz i stała achviaraj kata, pajšoŭšy na ešafot.
Pradstaŭniki pravaachoŭnych vorhanaŭ źjavilisia tolki praz chvilinaŭ dvaccać, kali na płoščy nikoha amal nie zastavałasia. Małady milicyjant źniaŭ ź viaroŭki padručnik i pałamaŭ šybienicu, skłaŭšy ŭsie rečdokazy ŭ MUSaŭski «koźlik».
Fota Andreja Lankieviča