Cichanoŭskaja zajaviła pra nieabchodnaść šanavańnia pamiaci achviaraŭ hienacydu
U Mižnarodny dzień pamiaci achviaraŭ Chałakostu Śviatłana Cichanoŭskaja naviedała miemaryjał Aŭšvic-Birkienaŭ — były nacyscki kancentracyjny łahier śmierci, jaki staŭ suśvietnym simvałam hienacydalnaj palityki nacysckaj Hiermanii.
Śviatłana Cichanoŭskaja siarod udzielnikaŭ žałobnaj cyrymonii, pryśviečanaj pamiatnaj dacie. Fota: pres-słužba Śviatłany Cichanoŭskaj
Siońnia — 80-ja hadavina vyzvaleńnia łahiera. U mierapryjemstvie, prymierkavanym da hetaj pamiatnaj daty, uziali ŭdzieł mnohija kiraŭniki dziaržaŭ i mižnarodnych arhanizacyjaŭ, siarod jakich prezident Francyi Emanuel Makron, prezident Polščy Andžej Duda, premjer-ministr Kanady Džaścin Trudo, staršynia Jeŭrapiejskaha parłamienta Rabierta Mietsoła i kancler Hiermanii Ołaf Šolc.
Śviatłana Cichanoŭskaja ŭ svajoj pramovie padkreśliła histaryčnuju značnaść hetaha dnia i źviarnuła ŭvahu na nieabchodnaść zachavańnia pamiaci pra achviaraŭ hienacydu:
«Trahiedyja Chałakostu — heta napamin usiamu śvietu pra razburalnyja vyniki ideałohijaŭ ahresii i nianaviści.
Žachliva, što ciapier hetaja strašnaja padzieja vykarystoŭvajecca aŭtarytarnymi režymami dla raspalvańnia varožaści i raźviazvańnia novych vojnaŭ.
Naš abaviazak — pamiatać i rabić usio mahčymaje, kab nie dapuskać paŭtareńnia takich trahiedyj. Tolki salidarnaść i čałaviečnaść zdolnyja supraćstajać žacham vajny».
Čytajcie taksama:
Łatuška zhadaŭ, jak 20 hadoŭ tamu Łukašenka pabajaŭsia jechać na pamiatnaje mierapryjemstva ŭ Aŭšvic
Cichanoŭskaja i Łatuška voźmuć udzieł u pamiatnych mierapryjemstvach u Aŭšvicy
Cichanoŭskaja: Heta nijakija nie vybary, a chutčej «śpiecyjalnaja vybarčaja apieracyja»