BIEŁ Ł RUS

Daradca Cichanoŭskaj raskazaŭ, jak jon razam ź Viačorkam sustrakaŭ vyzvalenuju Alenu Maŭšuk

12.02.2025 / 22:21

Nashaniva.com

Palitźniavolenuju Alenu Maŭšuk, jakuju vyzvalili ŭčora, a siońnia zavieźli ŭ Vilniu, sustrakali daradcy Cichanoŭskaj Franak Viačorka i Dzianis Kučynski. Kučynski raskazaŭ krychu pra abstaviny sustrečy.

«Prykładna ŭ 19:30 pa biełaruskim časie my razam z Franakam Viačorkam zabrali Alenu ŭ amierykanskaj ambasadzie ŭ Vilni. Taksama zabrali rečy, jakija ź joj byli, i pryvieźli jaje ŭ biełaruski šełtar u Vilni, dzie sustreła taksama pradstaŭnica Abjadnanaha pierachodnaha kabinieta Volha Zazulinskaja», — apisvaje Kučynski.

Pry sustrečy z palitźniavolenaj adrazu pakłapacilisia pra leki dla jaje.

Alena ŭvachodziła ŭ ekstrany humanitarny list palitviaźniaŭ — hety tyja, kaho praz stan zdaroŭja patrabavali vypuścić najpierš.

Kučynski zaŭvažaje, što niahledziačy na žachi, jakija Alenie daviałosia pieražyć u kałonii, jana vyhladała niazłomlenaj: «Pad uražańniem ad siły jaje duchu».

@nashaniva Pry spryjańni ZŠA vyzvalili šmatdzietnuju Alenu Maŭšuk — sanitarku balnicy, jakaja na pratestach u Pinsku ŭdaryła kałom pa siłavikach Niahledziačy na žachi, jakija Alenie daviałosia pieražyć u kałonii, jana vyhladała niazłomlenaj #biełaruś #novostibiełarusi #žyviebiełaruś #naviny #biełorusy #politzaklučiennyje #bčb ♬ Epic - DM Production

Kučynski adznačaje, što Ofis Cichanoŭskaj udziačny Donaldu Trampu i jaho kamandzie za vyzvaleńnie troch palitviaźniaŭ. U minułym hodzie ŭ Vašynhtonie Kučynski nieadnarazova sustrakaŭsia z najbližejšymi daradcami vice-prezidenta Džej Dzi Vensa i dziaržsakratara Marka Rubia.

«Praciahvajem kantakt z amierykanskimi ŭładami i budziem spadziavacca, što ŭsie biełaruskija palitviaźni buduć vyzvalenyja», — dadaŭ jon.

Čytajcie taksama:

Kamientary da artykuła