Rasijski markietpłejs Ozon praciahvaje pašyracca ŭ Biełarusi
U pačatku lutaha rasijski Ozon staŭ rezidentam Parka vysokich technałohij u Minsku, a ciapier stała viadoma, što markietpłejs arandavaŭ u Biełarusi novy ofis, piša Office Life.
Raniej Ozon arandavaŭ placoŭku ŭ minskim kavorkinhu na vulicy Śviardłova, a ciapier biełaruskaja kamanda markietpłejsa pierajedzie ŭ novaje pamiaškańnie ŭ IT-kampusie Takeoff na vulicy Płatonava. Paviedamlajecca, što Ozon arandavaŭ pavierch kampusa płoščaj 900 kvadratnych mietraŭ.
Kali raniej častka biełaruskich supracoŭnikaŭ markietpłejsa pracavała dystancyjna, to ciapier ich pieraviaduć na poŭnafarmatnuju pracu ŭ pamiaškańni.
Rasijski markietpłejs vyjšaŭ na biełaruski rynak u 2021 hodzie. Pieršapačatkova kampanija raźvivała sietku frančajzi z uładalnikaŭ punktaŭ vydačy zakazaŭ i adkryła ŭ Biełarusi svoj raźmierkavalny centr u vioscy Karaloŭ Stan niedaloka ad Minska.
U kancy listapada 2024 hoda paviedamlałasia, što abarot Ozon u Biełarusi za treci kvartał 2024 hoda vyras u dva razy ŭ paraŭnańni z anałahičnym pieryjadam 2023 hoda.
U pačatku lutaha 2025 hoda stała viadoma, što adna ź biełaruskich daččynych kampanij markietpłejsa — «Azon Rokiet Bieł» — stała novym rezidentam Parka vysokich technałohij.
Čytajcie taksama:
Rasija pačała kuplać Coca-Cola ŭ Talibana
Na Wildberries možna zamović aŭtamabili z prabieham
Što biełarusy kuplali na Wildberries u minułym hodzie?
U PVT źjaviłasia 48 novych rezidentaŭ, 15 — z zamiežnym kapitałam
Zapracavaŭ markietpłejs dla biełaruskich tavaraŭ — na rodnaj movie