Vytvorcu syrkoŭ u Biełarusi zabaranili pisać na ŭpakoŭcy SS
Milicyja prapanavała adnamu ź biełaruskich vytvorcaŭ źmianić nazvu hłazuravanych syrkoŭ z-za vykarystańnia abrevijatury SS, paviedamlaje «Sputnik» sa spasyłkaj na pres-słužbu Ministerstva antymanapolnaha rehulavańnia i handlu.
Jak rastłumačyli ŭ MARH, spačatku ŭ hetaje viedamstva pastupiŭ zvarot ad pilnaha hramadzianina. Jon źviarnuŭ uvahu, što ŭ Biełarusi vypuskajuć hłazuravanyja syrki pad nazvaj «DeSSiert višniovy braŭni».
MARH paviedamiŭ pra heta milicyi. Pytańnie vykarystańnia litar SS u zhadanaj naźvie ŭzdymałasia na pasiadžeńni Hrodzienskaj abłasnoj kamisii pa praviadzieńni acenki simvoliki, atrybutyki i infarmacyjnaj pradukcyi.
«Pa vynikach razhladu orhanami ŭnutranych spraŭ vytvorcu nakiravana prapanova ab źmienie nazvy nazvanaj pradukcyi. Pavodle najaŭnaj infarmacyi vytvorčaść hłazuravanych syrkoŭ z takoj nazvaj prypynienaja», — adznačyli ŭ MARH.