Instahram Volhi Karač i supołku bresckich taksistaŭ dadali da śpisu «ekstremisckich materyjałaŭ»
Abnoŭleny pieralik «ekstremisckich materyjałaŭ» źjaviŭsia na sajcie Mininfarma.
Skrynšot: «Taksisty Briesta»
Akramia telehram-kanału «Taksisty Briesta» u jaho patrapiła staronka Volhi Karač u instahramie.
Zaraz na kiraŭnicu inicyjatyvy «Naš dom» padpisany krychu bolš za 2 tysiačy čałaviek. Na supołku «Taksisty Briesta» — bolš za 1,5 tysiačy padpisantaŭ.
Volha Karač. Fota: «Naša Niva»
Taksama ŭ śpisie źjavilisia staronki prajektu «Heta Moładź», pošta i staronka ŭ LinkedIn pradstaŭnicy Śviatłany Cichanoŭskaj pa moładzi Marho Vorychavaj.
U abnoŭleny pieralik «ekstremisckich materyjałaŭ» patrapili i supołka ŭ «Vkontaktie» «PSICHO || Biełaruś», tyktok i jutub s13ru, staronka Maryi Kaleśnikavaj u Ch, telehram-kanały i čaty «Biełaruś v šokie! Chat», «Pabracima», «Biełarusy Kujava-Pamorja», «Biełarusy Torunia i Bydhaščy / Bydhoŝ», a taksama stary zbor na sajcie zrzutka.pl dla bataljona «Vołat».