Tramp daručyŭ pierahledzieć sankcyjnuju palityku ZŠA

Ministr finansaŭ ZŠA Skot Biesient u intervju telekanału Fox Business zajaviŭ, što jahonaja kraina doŭha vykarystoŭvała «lanivyja sankcyi», jakija pryvodzili tolki da padryvu roli dalara ŭ jakaści reziervovaj valuty. I heta, maŭlaŭ, treba mianiać.

Skot Biesient z Donaldam Trampam. Fota: Pool via AP

«Tramp daručyŭ mnie pierahledzieć sankcyjny režym. Na praciahu doŭhaha pieryjadu času ŭ nas było toje, što ja nazyvaju «lanivyja sankcyi». My ličym, što jany padryvajuć rolu dalara ŭ jakaści reziervovaj valuty, ludzi admaŭlajucca ad dalara, — skazaŭ jon u intervju telekanału Fox Business. — My ž źbirajemsia pierajści da režymu maksimalna dziejsnych sankcyj», — skazaŭ Skot Biesient.

Sankcyi, nakładzienyja na Rasiju administracyjaj Džo Bajdena, jon nazvaŭ małaefiektyŭnymi, bo eks-prezident ZŠA, maŭlaŭ, bajaŭsia rostu cenaŭ na enierhanośbity.

Raniej Biesient zajaŭlaŭ, što ŭ vypadku nieabchodnaści ZŠA mohuć uvieści maksimalnyja sankcyi ŭ dačynieńni da Rasii.

Kamientary da artykuła