U armii znoŭ abvieščana pravierka bajavoj hatoŭnaści
Dziaržsakrataryjat Rady biaśpieki raspačaŭ pravierku bajavoj hatoŭnaści Uzbrojenych sił pa daručeńni Łukašenki.
Vajskoŭcam adnoj z vajennych čaściej naležyć vykanać kompleks mierapryjemstvaŭ pa padrychtoŭcy techniki i ŭzbrajeńnia da vykanańnia vučebna-bajavych zadač. U tym liku — zahruzka materyjalnych srodkaŭ i vyłučeńnie na adzin z palihonaŭ Uzbrojenych sił.
Padraździaleńniam, jakija buduć pryciahnutyja da pravierki, daviadziecca pravieści inžyniernaje abstalavańnie pazicyj, maskiroŭku, arhanizacyju achovy i abarony, a taksama vykanać kantrolnyja stralby z štatnaj zbroi.
Spłanavana vykarystańnie jak ŭdarnych, tak i raźviedvalnych bieśpiłotnikaŭ, a taksama avijacyi.
Padčas pravierki zapłanavana pieramiaščeńnie vajskovaj techniki, mahčymyja časovyja abmiežavańni ruchu hramadzianskaha transpartu pa aŭtadarohach ahulnaha karystańnia i asobnych učastkach miascovaści.