Paŭtara miljarda na dziaržaŭnuju presu
Ministerstva infarmacyi sioleta zakupiła abstalavańnia dla dziaržaŭnych drukavanych ŚMI na 772 miljony, i jašče zakupić na 778 miljonaŭ.
Ministerstva infarmacyi sioleta zakupiła abstalavańnia dla dziaržaŭnych drukavanych ŚMI na 772 miljony i jašče zakupić na 778 miljonaŭ.
Ministerstva infarmacyi Biełarusi zakupiła dla redakcyj dziaržaŭnych peryjadyčnych drukavanych vydańniaŭ abstalavańnie na sumu 772 miljony rubloŭ. Pra heta karespandentu BIEŁTA paviedamiŭ načalnik upraŭleńnia vytvorča-techničnaha raźvićcia Ministerstva infarmacyi Mikałaj Braško.
Pavodle jahonych słovaŭ, u pieršym paŭhodździ dla respublikanskich peryjadyčnych vydańniaŭ nabyli 127 kamputaraŭ, 54 drukarki, 28 skaneraŭ, 22 kapijavalnyja aparaty, 21 faks, 23 fotaaparaty. Fatatechniku redakcyi ŭžo atrymali, zaraz pastaŭlajucca kamputary.
U druhim paŭhodździ budzie praviedzieny tender na zakupku abstalavańnia dla redakcyj rajonnych i haradzkich peryjadyčnych vydańniaŭ na sumu 778 miljonaŭ rubloŭ. Planujecca nabyć 150 kamputaraŭ, 51 drukarku, 28 skaneraŭ, 3 kapijavalnyja aparaty, 5 faksaŭ, 25 ličbavych dyktafonaŭ i 26 fatakameraŭ. Kolkaść zakuplalnaj techniki vyznačanaja z ulikam zajavak redakcyj.
Jak padkreśliŭ Mikałaj Braško, usio abstalavańnie – samaje sučasnaje, najnoŭšaje. Zakupka techniki robicca z metaj umacavańnia materyjalna-techničnaj bazy redakcyj peryjadyčnych vydańniaŭ i pavyšeńnia jakaści hazet i časopisaŭ. U adpaviednaści z Kompleksnaj prahramaj raźvićcia dziaržaŭnych peryjadyčnych vydańniaŭ u Biełarusi na 2005-2008 hadu na padtrymku peryjadyčnych vydańniaŭ sioleta vyłučana 1,5 miljardaŭ rubloŭ.
❏
Fota Julii Daraškievič, NN