Biełaruskija navukoŭcy vyvieli novuju parodu karpa
Navukoŭcy vyvieli biełaruskija parody karpa, jakija ŭžo razvodziać va ŭsich rybahaspadarčych arhanizacyjach krainy. Pra heta raskazaŭ hiendyrektar RUP «Navukova-praktyčny centr Nacyjanalnaj akademii navuk Biełarusi pa žyviołahadoŭli» Alaksandr Partny, piša Office Life.
Pry hetym Partny adznačyŭ, što ciapier zaviaršajuć sielekcyjny praces pa stvareńni novaj parody biełaruskaha lustranaha karpa z «udaskanalenym eksterjeram».
Jon dadaŭ, što taksama idzie raspracoŭka technałohij i paramietraŭ vyroščvańnia kaštoŭnych vidaŭ ryb, u tym liku fareli i asiotraŭ, u ŭstanoŭkach zamknionaha vodazabieśpiačeńnia. Alaksandr Partny padkreśliŭ, što heta novy napramak dla našaj krainy.
Darečy, pavodle aficyjnaj statystyki, biełarusy spažyvajuć kala 8,7 kh ryby na čałavieka ŭ hod, u hetym abjomie dola spažyvańnia ajčynnaj ryby dasiahaje 1,2 kh na čałavieka.