U Bierlinie aktyvisty ŭskaraskalisia na Brandenburhskuju bramu i razharnuli banier u padtrymku Paleściny
Siońnia dniom hrupa aktyvistaŭ z dapamohaj padjomnika zabrałasia na Brandenburhskija varoty i razharnuła płakat z nadpisam: «Nikoli bolš hienacydu — svabodu Paleścinie», piša Bild.
Fota: Kay Nietfeld/picture alliance via Getty Images
Pavodle źviestak palicyi, na Brandenburhskaj bramie zastajucca troje čałaviek, jakija admaŭlajucca spuścicca. Da miesca ŭžo pryjechali supracoŭniki śpiecpadraździaleńniaŭ i alpinisty-ratavalniki, pakolki aktyvisty nie źbirajucca sychodzić dobraachvotna. Dvuch inšych udzielnikaŭ akcyi zatrymali la padjomnika na płoščy 18 sakavika.
Jany zabłakavali techniku i admovilisia pakidać kabinu, praz što palicyjantam daviałosia raźbić škło i siłaj dastać mužčyn. U palicyi zajavili, što majuć namier źniać pratestoŭcaŭ z Brandenburhskaj bramy i zatrymać ich za niezakonnaje praniknieńnie i parušeńnie hramadskaha paradku.