Žycharu Rečycy vynieśli prysud za «abrazu Łukašenki»
U sudzie Mazyrskaha rajona asudzili 49‑hadovaha žychara Rečycy Ihara Čarpakova, abvinavaciŭšy jaho ŭ «abrazie Łukašenki» pavodle art. 368 KK. Dakładny prysud pakul nieviadomy, ale jon źviazany z pazbaŭleńniem ci abmiežavańniem voli, piša «Homielskaja viasna».
Ihar Čarpakoŭ. Fota: sacsietki
14 listapada MUS uniesła Ihara Čarpakova ŭ svoj «śpis ekstremistaŭ».
Čarpakoŭ doŭhi čas žyŭ u Rečycy, pracavaŭ na budaŭnictvie ŭ Rasii i maje tam šmat svajakoŭ i znajomych. U śpisie MUS paznačana, što jon zarehistravany ŭ Minsku, a toje, čamu sud adbyŭsia ŭ Mazyry, ciapier sprabujuć vyśvietlić pravaabaroncy.
Pa stanie na siońnia ŭ «ekstremisckim» śpisie MUS znachodziacca ŭžo 5989 čałaviek.
Čytajcie taksama:
Ad eks-palitviaźnia Ihara Karnieja patrabujuć pahasić zapazyčanaść za pobyt na Vaładarcy
Maładoj viaskovaj nastaŭnicy z Mazyrščyny dali try hady kałonii za palityku
Čatyrom byłym žurnalistam baranavickaha «Inteks-Presa» dali chatniuju chimiju