Niekatorym kiroŭcam, pazbaŭlenym paśviedčańnia, dazvolać kiravać transpartam — jak tak?
Ułady prapanujuć zdymać administratyŭku, jakaja zabaraniaje pracavać za rulom. Ale novaŭviadzieńnie zakranie nie ŭsich, a tolki niekatorych.
Zhodna z zakonaprajektam, karekciroŭki mohuć źjavicca ŭ dvuch novych artykułach Pracesualna-vykanaŭčaha kodeksa ab administracyjnych pravaparušeńniach, piša «Točka».
Prypynić ci źniać ź biełarusa padobnaje pakarańnie prapanujecca tolki ŭ vyznačanych vypadkach. Naprykład, pa chadajnictvie kiraŭnika miascovaha vykankama.
Praŭda, vyklučeńnie zrobiać tolki dla pracy na kołavych traktarach i samachodnych mašynach, za vyklučeńniem katehoryi A.
Da taho ž, u čałavieka nie pavinna być administratyvak ci sudzimaściaŭ za kiravańnie biez pravoŭ abo pjanym.
Zarablać za rulom hetym ludziam prapanujuć dazvolić tolki paśla zakančeńnia pałovy terminu pakarańnia.
Jašče adna ŭmova — čałaviek pavinien pracavać nie mienš za dva hady (dapuskajecca pierapynak, ale nie bolš za try miesiacy).