Kryšcijanu Ranałdu inviestavaŭ u zasnavany biełarusam startap
Znakamity partuhalski futbalist Kryšcijanu Ranałdu inviestavaŭ u pošukavy servis z vykarystańniem štučnaha intelektu Perplexity AI.
Fota: instahram Kryšcijanu Ranałdu
Navinoj futbalist padzialiŭsia na svajoj staroncy ŭ sacyjalnaj sietcy X.
«Pieramožcy nikoli nie pierastajuć vučycca. Nikoli nie pierastavajcie pytacca», — napisaŭ Ranałdu, prymacavaŭšy videa z anonsam prajekta.
Na aficyjnym sajcie Perplexity užo źjaviŭsia asobny raździeł, pryśviečany lehiendarnamu futbalistu.
Startap Perplexity zasnavaŭ biełarus Dzianis Jarac z dvuma partniorami ŭ ZŠA, dzie žyvie ŭžo bolš za 10 hadoŭ. U kancy 2024 hoda prajekt pryznali adnym z samych darahich maładych startapaŭ. U lipieni 2025‑ha jaho acanili ŭ $18 młrd, a ŭžo ŭ vieraśni acenka vyrasła da $20 młrd, piša Office Life.
U lipieni byŭ pradstaŭleny desktopny varyjant braŭziera z ŠI Comet dla Windows i macOS. A niadaŭna Perplexity vypuściŭ viersiju ŠI-braŭziera dla pryład na Android. Ciapier kampanija rychtuje viersiju braŭziera i dla iOS, jakaja pavinna vyjści «ŭ najbližejšyja tydni».
Čytajcie taksama:
Stvorany biełarusam startap paniziŭ akcyi Duolingo
Zasnavany biełarusam startap źbirajecca kupić Google Chrome za $34,5 młrd
Zasnavany biełarusam startap zapartnioryŭsia z sacsietkaj Trampa