Ukraina naniesła ŭdar pa naftazdabyŭnaj płatformie «Łukojła» ŭ Kaśpijskim mory

Ukraina atakavała bieśpiłotnikami naftazdabyŭnuju płatformu «Łukojła» na radoviščy imia Fiłanoŭskaha ŭ Kaśpijskim mory, paviedamlaje vydańnie «Hromadśkie».

Radovišča imia Fiłanoŭskaha. Fota: oilgascom.com

Surazmoŭcy ŭkrainskich ŚMI śćviardžajuć, što zafiksavanyja jak minimum čatyry traplańni pa płatformie, što pryviało da prypynieńnia pastupleńnia nafty z 20 śvidravin.

Udary naniesła padraździaleńnie Słužby biaśpieki Ukrainy.

Ukraina ŭpieršyniu naniesła ŭdar pa abjekcie naftazdabyčy ŭ Kaśpijskim mory. Kali mienavita była atakavanaja płatforma, nie ŭdakładniajecca. 

Radovišča imia Uładzimira Fiłanoŭskaha raźmieščanaje ŭ paŭnočnaj častcy akvatoryi Kaśpijskaha mora, za 220 kiłamietraŭ ad Astrachani. Prajektny ŭzrovień zdabyčy nafty na radoviščy — šeść miljonaŭ ton u hod. Heta, jak adznačaje vydańnie Bloomberg, ekvivalentna prykładna 120 tysiačam barelaŭ u dzień.

Zdabytuju pradukcyju adpraŭlajuć na ekspart praz Kaśpijski trubapravodny kansorcyum.

Kamientary da artykuła