Украіна нанесла ўдар па нафтаздабыўнай платформе «Лукойла» ў Каспійскім моры
Украіна атакавала беспілотнікамі нафтаздабыўную платформу «Лукойла» на радовішчы імя Філаноўскага ў Каспійскім моры, паведамляе выданне «Громадське».
Радовішча імя Філаноўскага. Фота: oilgascom.com
Суразмоўцы ўкраінскіх СМІ сцвярджаюць, што зафіксаваныя як мінімум чатыры траплянні па платформе, што прывяло да прыпынення паступлення нафты з 20 свідравін.
Удары нанесла падраздзяленне Службы бяспекі Украіны.
Украіна ўпершыню нанесла ўдар па аб'екце нафтаздабычы ў Каспійскім моры. Калі менавіта была атакаваная платформа, не ўдакладняецца.
Радовішча імя Уладзіміра Філаноўскага размешчанае ў паўночнай частцы акваторыі Каспійскага мора, за 220 кіламетраў ад Астрахані. Праектны ўзровень здабычы нафты на радовішчы — шэсць мільёнаў тон у год. Гэта, як адзначае выданне Bloomberg, эквівалентна прыкладна 120 тысячам барэляў у дзень.
Здабытую прадукцыю адпраўляюць на экспарт праз Каспійскі трубаправодны кансорцыум.
Чытайце таксама:
Танкер, які перавозіў расійскую нафту, тоне ля берагоў Сенегала
Украінскія марскія дроны падбілі ў Чорным моры чарговы танкер расійскага «ценявога флоту» ВІДЭА