Sustreča Łukašenki i Koŭła praciahvajecca siońnia
Pieramovy Alaksandra Łukašenki sa śpiecyjalnym pasłańnikam ZŠA Džonam Koŭłam, raspačatyja napiaredadni ŭ piatnicu, 12 śniežnia, praciahnulisia i siońnia, piša BiełTA.
Učora padčas sustrečy Łukašenka pavinšavaŭ Koŭła z pryznačeńniem jaho śpiecpasłańnikam ZŠA ŭ Biełarusi.
«Ty ciapier hałoŭny pa Biełarusi ŭ nas. Pieradajcie Trampu, što my niešta pavinny zrabić u suviazi z hetym. I my zrobim».
«U nas šmat pytańniaŭ. Śviet mianiajecca vielmi chutka, źjaŭlajucca novyja prablemy, jakija my z vami pavinny abmierkavać. A mahčyma, i vyrašyć siakija-takija pytańni», — skazaŭ Łukašenka.
Apošni vizit delehacyi ZŠA ŭ Minsk na čale z pasłańnikam Donalda Trampa Džonam Koŭłam byŭ u vieraśni. Paśla toj sustrečy vyzvalili i departavali ŭ Litvu 51 palitviaźnia.
Učora paviedamlałasia, što mohuć być vyzvalenyja 150 palitviaźniaŭ.