Kolkim dziaŭčynkam užo ŭviali vakcynu suprać virusa papiłomy čałavieka
U Biełarusi pieršuju dozu vakcyny suprać virusa papiłomy čałavieka atrymali bolš za 75% adzinaccacihadovych dziaŭčynak, paviedamlaje pres-słužba Minzdaroŭja.
U kastryčniku naša kraina dałučyłasia da inicyjatyvy Suśvietnaj arhanizacyi achovy zdaroŭja pa vakcynacyi dziaŭčynak suprać infiekcyi, vyklikanaj virusam papiłomy čałavieka.
Pryščepki robiać dziaŭčynkam, jakim u 2025 hodzie spaŭniajecca 11 hadoŭ. Dla vakcynacyi vykarystoŭvajecca vakcyna «Cekalin» (Kitaj), jakaja maje prekvalifikacyju SAAZ i abaraniaje ad dvuch samych niebiaśpiečnych vysokaankahiennych typaŭ VPČ — 16 i 18.
Kansultacyju baćkam pa pytańniach vakcynaprafiłaktyki raku šyjki matki mohuć dać: piedyjatr, terapieŭt, doktar ahulnaj praktyki, ankołah, hiniekołah.
Pry najaŭnaści reštkaŭ vakcyny va ŭstanovach achovy zdaroŭja (nie zadziejničanaj u vakcynacyi dziaŭčynak 11 hadoŭ) mahčyma zrabić vakcynacyju pa pakazańniach dziaŭčynkam, starejšym za 11.