Koŭł: Łukašenka maje vialikuju historyju adnosin z Pucinym, maje mahčymaść davać jamu parady
Śpiecpradstaŭnik ZŠA Džon Koŭł havaryŭ z Łukašenkam pra Pucina i Ukrainu, piša BiełTA
Fota: Alexei Nikolsky, Sputnik, Kremlin Pool Photo via AP
«Ja razmaŭlaŭ z vašym prezidentam pa roznych pytańniach. Jon dapamahaje, raić nam u pytańni taho, što rabić z vajnoj pamiž Rasijaj i Ukrainaj. Heta dobryja parady. Roznyja pytańni, padobnyja da hetaha», — skazaŭ pradstaŭnik ZŠA.
Što da prasoŭvańnia pracesu mirnaha ŭrehulavańnia kanfliktu va Ukrainie i roli Biełarusi ŭ hetym, Džon Kouł adznačyŭ faktar daŭnich dobrych adnosin, jakija skłalisia pamiž Alaksandram Łukašenkam i Uładzimiram Pucinym.
«Vaš prezident maje vialikuju historyju adnosin z prezidentam Pucinym, maje mahčymaść davać jamu parady. Heta vielmi karysna ŭ hetaj situacyi. Jany daŭnija siabry i majuć nieabchodny ŭzrovień adnosin, kab abmiarkoŭvać padobnyja pytańni. Viadoma, Prezident Pucin moža pryniać adny parady i nie pryniać inšyja. Heta sposab dapamahčy pracesu», — skazaŭ Džon Kouł.
Čytajcie taksama:
Sustreča Łukašenki i Koŭła praciahvajecca siońnia
ZŠA zdymajuć sankcyi ź biełaruskaha kaliju
Koŭł pra pieramovy z Łukašenkam: Havaryli pra budučyniu i pra toje, jak narmalizavać adnosiny