Usie vyzvalenyja palitviaźni departavanyja ź Biełarusi
Pra toje, što vyzvalenyja palitviaźni ŭžo pakinuli terytoryju Biełarusi, paviedamiŭ Ofis Śviatłany Cichanoŭskaj.
Padčas sustrečy palitviaźniaŭ u Vilni 11 vieraśnia 2025 hoda. Fota: «Naša Niva»
«Usie vyzvalenyja palitviaźni znachodziacca ŭ biaśpiecy i za miežami Biełarusi. Užo chutka my zmožam ubačyć našych hierojaŭ i hieraiń», — paviedamiŭ dypłamatyčny daradca Śviatłany Cichanoŭskaj Dzianis Kučynski.
Usich palitviaźniaŭ, jak i raniej, vyvieźli na terytoryju Litvy. Jak i zaŭsiody ŭ padobnych vypadkach, ich paviazuć spačatku ŭ ambasadu ZŠA ŭ Vilni.
Niekalki dziasiatkaŭ biełarusaŭ ŭžo sabralisia kala pasolstva ZŠA ŭ Vilni, čakajuć pryjezdu palitviaźniaŭ
Sami vyzvalenyja pakul, miarkujučy pa ŭsim, znachodziacca na miažy, dzie im afarmlajuć dakumienty dla ŭjezdu.
Čytajcie taksama:
«Bajsoł» zapuściŭ zbor dla palitviaźniaŭ, vyzvalenych 13 śniežnia
Vyjšli na svabodu niekalki inšaziemcaŭ i biełarusaŭ z zamiežnymi pašpartami
Vyzvalili pravaabaroncaŭ Valancina Stefanoviča i Uładzia Łabkoviča