Ejsmant: Biełaruskich palitviaźniaŭ abmianiali na paranienych rasijan i pałonnych prarasijskich biełarusaŭ. Ukraincy kažuć, što jana chłusić

Pres-sakratarka Łukašenki Natalla Ejsmant ŭ kamientaryi rasijskamu ahienctvu TASS paviedamiła pra novyja niuansy siońniašniaha vyzvaleńnia biełaruskich palitviaźniaŭ.

Natalla Ejsmant. Fota: Maxim Shemetov Pool Photo via AP

Pa słovach Ejsmant, pamiłavanyja Łukašenkam palitviaźni byli adpraŭlenyja va Ukrainu ŭ abmien na paranienych rasijan i ŭziatych ukraincami ŭ pałon biełarusaŭ, jakija vajavali za Rasiju.

«Amierykanski bok zabraŭ z saboj siońnia dzieviać zamiežnych hramadzian. I bolš za 100 čałaviek byli adpraŭlenyja va Ukrainu — u abmien na biełarusaŭ, jakija trapili tam u pałon — za ich prezidenta vielmi prasili ich svajaki — i na paranienych rasijan», — skazała Ejsmant.

Nieŭzabavie paśla źjaŭleńnia hetaha kamientara ŭkrainski prajekt «Chaču žyć» rašuča abvierhnuŭ słovy Ejsmant.

«Heta nie adpaviadaje realnaści», — zajavili «Jeŭraradyjo» u prajekcie, jaki zajmajecca abmienam pałonnych.

Kamientary da artykuła