Byłych biełaruskich palitviaźniaŭ va Ukrainie adpraviać u sanatoryj
Da biełaruskich palitviaźniaŭ buduć prymienienyja takija ž pracedury, jak da vyzvalenych z pałonu ŭkraincaŭ. Zaraz ich adpraviać u sanatoryj, raskazała pradstaŭnica Ofisa Cichanoŭskaj va Ukrainie Śviatłana Šacilina.
Śviatłana Šacilina. Fota: Abjadnany pierachodny kabiniet
Pra toje, što biełaruskich palitviaźniaŭ, vyviezienych va Ukrainu, časova nakirujuć u sanatoryj, paviedamiła ŭ razmovie z žurnalistami kala amierykanskaj ambasady ŭ Vilni i Śviatłana Cichanoŭskaja, padziakavaŭšy ŭkrainskamu boku za chutkuju padtrymku. Dalejšyja rašeńni płanujuć uzhadnić z polskimi i litoŭskimi partniorami.