Na plažy ŭ Sidniei na jaŭrejskim śviacie adbyłasia stralanina, 10 čałaviek zahinuli
10 čałaviek zahinuli, kala 60 atrymali ranieńni ŭ vyniku teraktu na plažy ŭ Sidniei, piša «Hołas Izraila».
Pavodle śviedak, ahoń adkryli dvoje mužčyn, jakija pryjechali na plaž na aŭtamabili.
Jak paviedamiła The Jerusalem Post, na plažy ŭ hety čas prachodziła mierapryjemstva, pryśviečanaje jaŭrejskamu śviatu Chanuka. Na im znachodzilisia kala 2 tysiač členaŭ jaŭrejskaj abščyny.
Papiarednie, nie mienš za 10 čałaviek zahinuli, kala 60 atrymali ranieńni — hetyja ličby buduć udakładniacca.
Palicyja zajaviła, što dva napadniki zatrymanyja. Niekatoryja miedyja napisali, što adzin ź ich likvidavany.
Adnaho sa strałkoŭ u Sidniei abiasškodziŭ vypadkovy čałaviek, jaki nakinuŭsia na jaho sa śpiny, vynikaje ź videa, što raspaŭsiudziłasia ŭ siecivie.