U Polščy aŭtobus ź biełarusami vylecieŭ z kalcavoj raźviazki, 7 čałaviek špitalizavany
Surjoznaje darožna-transpartnaje zdareńnie adbyłosia ŭ niadzielu ranicaj kala 07:30 na kalcavoj raźviazcy Kuronia ŭ Žešavie, paviedamlaje Polskie Radio Rzeszów.
Aŭtobus, jaki ruchaŭsia ŭ kirunku centra horada, vyjechaŭ z kalca i spyniŭsia na raździalalnaj pałasie.
U aŭtobusie znachodzilisia 47 čałaviek, u asnoŭnym hramadzianie Biełarusi, jakija jechali ŭ Vienhryju.
Pieršapačatkova paviedamlałasia pra 10 paranienych. Pavodle apošniaj infarmacyi, u balnicy na abśledavańni znachodziacca 7 čałaviek. Ich traŭmy nie ŭjaŭlajuć pahrozy dla žyćcia.
Abodva kiroŭcy aŭtobusa, hramadzianie Biełarusi i Polščy, byli ćviarozyja.
Siarod papiarednich viersij razhladajecca mahčymaść, što kiroŭca-biełarus moh zasnuć za rulom.
Dla pasažyraŭ, jakija nie paciarpieli, ułady horada padahnali zamienny aŭtobus.