Miljarder achviaravaŭ $100 tysiač mužčynu, jaki abiazzbroiŭ strałka ŭ Sidniei
Mihrant ź Siryi, jaki hołymi rukami spyniŭ strałka na plažy Bondzi-Bič, staŭ hierojem.
Skryny kamier videanazirańnia
U vyniku terarystyčnaha napadu ŭ Sidniei na plažy Bondzi-Bič, padčas jakoha zahinuli 15 čałaviek, u ŚMI źjavilisia źviestki pra čałavieka, čyja mužnaść, vidavočna, praduchiliła jašče bolšyja achviary.
43‑hadovy Achmied al Achmied, uładalnik kramy sadaviny i mihrant ź Siryi, kinuŭsia na adnaho z napadnikaŭ.
U časie stralaniny, što adbyłasia padčas śviatkavańnia Chanuki, Achmied al Achmied nakinuŭsia na strałka i vyrvaŭ zbroju z ruk. Napadnik paśla hetaha byŭ vymušany adstupić.
Achmied atrymaŭ ahniastrelnyja ranieńni ruki i znachodzicca ŭ špitali paśla apieracyi.
Krama Achmieda ŭ paniadziełak była začynienaja, ale pakupniki i susiedzi sabralisia kala jaje, kab vykazać jamu pašanu.
Premjer-ministr Aŭstralii Entani Ałbaniz nazvaŭ Achmieda sapraŭdnym hierojem, padkreślivajučy, što jaho mužnaść vyratavała šmat žyćciaŭ.
U padtrymku Achmieda i jaho siamji była zapuščana kraŭdfandynhavaja kampanija GoFundMe, jakaja ŭžo sabrała bolš za $500 000. Siarod bujnych donaraŭ — amierykanski miljarder Bił Ekman, jaki achviaravaŭ $100 000.