Maci i dačka abakrali niekalki damoŭ u Breście i vakolicach
U milicyju Bresta źviarnulisia niekalki žycharoŭ pryvatnaha siektara, z damoŭ jakich źnikli hrošy. Apieratyŭniki zatrymali padazravanych.
Imi akazalisia 41‑hadovaja žančyna, jakaja pražyvaje ŭ Viciebskaj vobłaści, i jaje 18‑hadovaja dačka z Baranavič. Jany vybirali dom i čakali, pakul haspadar pakinie žyllo, nie začyniŭšy dźviery.
Potym prabiralisia ŭnutr i brali ŭsio kaštoŭnaje.
Tak jany ździejśnili šerah padobnych złačynstvaŭ u roznych rehijonach krainy.