Sud u Jekaciarynburhu paličyŭ, što rasijskuju armiju dyskredytuje vierš Majakoŭskaha stohadovaj daŭniny
Sud u Jekaciarynburhu pryznaŭ vierš Uładzimira Majakoŭskaha «Dołoj!», napisany ŭ 1929 hodzie, takim, jaki «dyskredytuje» rasijskuju armiju. Pra heta paviedamiła vydańnie SOTAvision.
Dźmitryj Rykaŭ
Sudździa Vierch-Isieckaha rajonnaha suda Kaciaryna Hiejhier aštrafavała žychara horada Kiraŭhrad Dźmitryja Rykava na 49 tysiač rubloŭ. Padstavaj staŭ jahony antymilitaryscki pikiet, jaki jon pravioŭ 7 śniežnia. Mužčynu pryznali vinavatym pavodle artykuła ab «dyskredytacyi» vojska.
Padčas akcyi Rykoŭ trymaŭ płakat z cytataj ź vierša Uładzimira Majakoŭskaha «Dołoj!»:
«Vojna — eto vietier trupnoj voniŝi.
Vojna — zavod po vydiełkie niŝich.
Mohiła bieźmiernaja vhłub́ i všiŕ,
Hołod, hriaź, tify i vši».
Sam Dźmitryj Rykaŭ viny nie pryznaŭ. Jon patłumačyŭ, što vystupaŭ nie suprać niejkaj kankretnaj vajny, a suprać vajny ŭvohule, i zajaviŭ, što nie razumieje, jak takimi słovami možna dyskredytavać vojska.
Čytajcie taksama:
U Pieciarburhu na 84‑hadovuju błakadnicu skłali čarhovy pratakoł za «dyskredytacyju» armii
Aktyvistu ŭ Rasii dadali try hady kałonii z-za apošniaha słova ŭ sudzie
U Rasii 19‑hadovaj dziaŭčynie dali try hady za vierš Šaŭčenki
Rasijanku aštrafavali za nadpis «Hary ŭ piekle» ŭ biuleteni na prezidenckich vybarach