Суд у Екацярынбургу палічыў, што расійскую армію дыскрэдытуе верш Маякоўскага стогадовай даўніны
Суд у Екацярынбургу прызнаў верш Уладзіміра Маякоўскага «Долой!», напісаны ў 1929 годзе, такім, які «дыскрэдытуе» расійскую армію. Пра гэта паведаміла выданне SOTAvision.
Дзмітрый Рыкаў
Суддзя Верх-Ісецкага раённага суда Кацярына Гейгер аштрафавала жыхара горада Кіраўград Дзмітрыя Рыкава на 49 тысяч рублёў. Падставай стаў ягоны антымілітарысцкі пікет, які ён правёў 7 снежня. Мужчыну прызналі вінаватым паводле артыкула аб «дыскрэдытацыі» войска.
Падчас акцыі Рыкоў трымаў плакат з цытатай з верша Уладзіміра Маякоўскага «Долой!»:
«Война — это ветер трупной вонищи.
Война — завод по выделке нищих.
Могила безмерная вглубь и вширь,
Голод, грязь, тифы и вши».
Сам Дзмітрый Рыкаў віны не прызнаў. Ён патлумачыў, што выступаў не супраць нейкай канкрэтнай вайны, а супраць вайны ўвогуле, і заявіў, што не разумее, як такімі словамі можна дыскрэдытаваць войска.
Чытайце таксама:
У Пецярбургу на 84‑гадовую блакадніцу склалі чарговы пратакол за «дыскрэдытацыю» арміі
Актывісту ў Расіі дадалі тры гады калоніі з-за апошняга слова ў судзе
У Расіі 19‑гадовай дзяўчыне далі тры гады за верш Шаўчэнкі
Расіянку аштрафавалі за надпіс «Гары ў пекле» ў бюлетэні на прэзідэнцкіх выбарах