Viktar Łukašenka ŭznaharodziŭ Dźmitryja Łukašenku
Starejšy brat uznaharodziŭ małodšaha ŭ honar 20‑hodździa Prezidenckaha spartyŭnaha kłuba.
Staršynia respublikanskaha dziaržaŭnaha hramadskaha abjadnańnia «Prezidencki spartyŭny kłub» Dźmitryj Łukašenka ŭdastojeny miedala NAK Biełarusi. Viktar Łukašenka, jaki ŭznačalvaje Nacyjanalny alimpijski kamitet, uznaharodziŭ Dźmitryja Łukašenku ŭ suviazi z 20‑hodździem kłuba. Na pasady abodva trapili dziakujučy ich baćku — Alaksandru Łukašenku.
— Dobra pamiataju toj dzień 20 hadoŭ tamu, kali ŭvieś hety praces pačynaŭsia. Pamiataju kožnaje imhnieńnie: jak prapracoŭvaŭsia Ukaz, jak prapracoŭvalisia kirunki dziejnaści arhanizacyi. Ciažka było pačynać u śfiery, jakaja na toj momant užo była sfarmiravana i funkcyjanavała. Tym nie mienš kłub zdoleŭ znajści svaju nišu, piśmienna i z pośpiecham zajści ŭ jaje. Jašče składaniej paźniej było ŭtrymać uzrovień, i z hetym vy bliskuča spravilisia, — skazaŭ Viktar.
Prezidencki spartyŭny kłub rehularna stanovicca pradmietam šmatlikich žurnalisckich antykarupcyjnych rasśledavańniaŭ.