Jak vyhladaje praciah znakamitaha savieckaha mulcika z udziełam Pucina

Źjavilisia pieršyja kadry z novaj sieryi multsieryjała «Prastakvašyna», u jakim adnym z hierojaŭ stanie Uładzimir Pucin, piša RBK.

Jak stała viadoma, prezidenta Rasii namalavali jak piersanaža papularnaha multsieryjała. Na apublikavanych kadrach jon pakazany razam ź viadomymi hierojami «Prastakvašyna» — Dziadziem Fiodaram, katom Matroskinym, Šarykam, paštaljonam Piečkinym i inšymi.

Sapraŭdnaść hetych materyjałaŭ paćvierdziła RBK krynica na miedyjarynku, a «Sajuzmultfilm» atrymaŭ adpaviedny zapyt ad žurnalistaŭ.

Pra toje, što Pucin źjavicca ŭ multsieryjale, jašče raniej na Pieciarburhskim mižnarodnym ekanamičnym forumie paviedamiła staršynia rady dyrektaraŭ «Sajuzmultfilma» Julijana Słaščova. Ź jejnych słoŭ, taki krok razhladajecca jak srodak «miakkaj siły» dla papularyzacyi Rasii i jaje kultury za miažoj.

Abnoŭleny sieryjał «Prastakvašyna» vychodzić z 2018 hoda, i da červienia 2025‑ha ŭžo stvorana šeść siezonaŭ. Hierojaŭ ahučvajuć viadomyja akciory: kata Matroskina — Anton Tabakoŭ, Šaryka — Haryk Sukačoŭ, Pavieł Dzieravianka i Mikita Vołkaŭ, a paštaljona Piečkina — Ivan Achłabyścin. 

U novym prajekcie źjavilisia i dadatkovyja piersanažy, naprykład Tama-Tama — razumnaja istota, padobnaja da hryzuna, svojeasablivaja sumieś vaviorki i kienhuru.

Kamientary da artykuła