U Minsku źjavilisia zony 5G-suviazi
Błohier Dzianis Blišč zaŭvažyŭ, što ŭ Minsku ŭ abanientaŭ mabilnaj suviazi ŭ ich telefonach raptam zaharelisia znački 5G, jakija śviedčać pra źjaŭleńnie novaha pakaleńnia suviazi. Sihnał 5G užo zafiksavany na vulicy Brykieta, a taksama ŭ «Minsk-Śviecie» i ŭ rajonie vulic Kalvaryjskaj i Kłary Cetkin.
Jak piša Blizko.by, zony 5G zaŭvažanyja va ŭsich troch apierataraŭ mabilnaj suviazi (A1, MTS, Life), karystalniki pačali vykładvać skrynšoty svaich telefonaŭ z zamieram chutkaści. Chutkaści hetyja, treba skazać, miescami nie nadta adroźnivajucca ad tych, jakija mohuć vydavać sietki papiaredniaha pakaleńnia — 4G.
Dzianis Blišč nahadaŭ, što ŭ listapadzie na kanfierencyi A1 TechDay 2025 pieršy namieśnik ministra suviazi i infarmatyzacyi Pavieł Tkač raskazaŭ: mahčyma, užo sioleta źjaviacca doślednyja zony 5G.
Čytajcie taksama:
«Ja zadziaŭbłasia!» Biełaruska ŭ šalenstvie ad jakaści suviazi MTS