243 biełaruskija restarany i kaviarni śpiecyjalizujucca na nacyjanalnaj kuchni
U Biełarusi naličyli 243 śpiecyjalizavanyja abjekty hramadskaha charčavańnia, jakija prapanujuć stravy, što adlustroŭvajuć aŭtentyčnaść rehijanalnaj kuchni. Pra heta paviedamiła kansultantka adździeła mietadałohii Upraŭleńnia arhanizacyi handlu i hramadskaha charčavańnia Ministerstva antymanapolnaha rehulavańnia i handlu (MARH) Iryna Lišaj.
Zdymak ilustracyjny. Krynica: «Naša Niva»
«Heta tradycyjnyja stravy z bulby — draniki, babki i klocki. Taksama ŭ mieniu ŭvachodziać biełaruskija supy: chaładniki, hrybnyja i sytnyja supy, miasnyja stravy, takija jak mačanka i vieraščaka, a taksama chatnija kaŭbaski. Tradycyjnyja blincy i aładki z roznymi načynkami taksama zajmajuć važnaje miesca ŭ mieniu. Asartymient straŭ moža varjiravacca ŭ zaležnaści ad rehijona i śviataŭ», — udakładniła pradstaŭnica MARH.
Iryna Lišaj dadała, što ŭ krainie aktyŭna raźvivajucca ajčynnyja sietki hramadskaha charčavańnia pad ułasnymi brendami. Heta tyčycca nie tolki kaviarniaŭ i restaranaŭ u haradach, ale i abjektaŭ na aŭtazapravačnych stancyjach. Taksama stvarajucca hastranamičnyja placoŭki i stryt-fudy z zabaŭlalnymi kancepcyjami.
Čytajcie taksama:
Jak źmianiłasia Chatyń paśla rekanstrukcyi: ciapier tam pradajuć burhiery i dziciačyja cacki
U Mahilovie ŭzialisia papularyzavać asianiki. Što heta takoje?
U Biełarusi vypuścili hastranamičnuju kartu krainy. Tam jość nie tolki draniki