Vyjšaŭ na svabodu palitviazień Armien Arzumanian, udzielnik «X-faktara»
Jon całkam adbyŭ dvuchhadovy turemny termin.
Armien Arzumanian. Skrynšot ź jutub-kanała «Biełaruś 1»
Stała viadoma pra vyzvaleńnie biznesmiena i muzykanta Armiena Arzumaniana. Pa infarmacyi pravaabaroncaŭ, jon vyjšaŭ na svabodu ŭ pačatku śniežnia 2025 hoda, całkam adbyŭšy dvuchhadovy turemny termin.
Arzumaniana asudzili za «zakliki da sankcyj» (č. 3 art. 361 KK) i «paklop na Łukašenku» (č. 2 art. 367 KK).
Armienu 46 hadoŭ. Jon rodam z Azierbajdžana, ale amal usio žyćcio pražyŭ u Biełarusi i maje biełaruskaje hramadzianstva. Arzumanian bolš za 15 hadoŭ trymaŭ kramy padarunkaŭ, apošniaja ź ich — Podari Minsk.
Aproč taho, jon piša muzyku pad psieŭdanimam Arman Alekpieraŭ. Jon dvojčy vystupaŭ na «X-faktary» — spačatku ŭ 2018 hodzie va Ukrainie, a paśla ŭ 2021 hodzie ŭ Biełarusi.
Armien aktyŭna dapamahaŭ biazdomnym žyviołam, vyratavaŭ niekalki socień. U svajoj chacie jon uładkavaŭ domiki dla žyvioł na zimu i leta.
Armien Arzumanian u Hankonhu. Fota: Ukantakcie