Razam z adstaŭkaj Jermaka z Ofisa prezidenta Ukrainy byli zvolnienyja i jaho daradcy, uklučajučy Michaiła Padalaka
Bankavaja paviedamiła, što paśla adstaŭki kiraŭnika Ofisa prezidenta Ukrainy Andreja Jermaka byli zvolnienyja ŭsie jahonyja daradcy i pamočniki.
«U suviazi sa zvalnieńniem kiraŭnika Ofisa prezidenta Ukrainy asoby, jakija zajmali pasady pamočnikaŭ i daradcaŭ (štatnych i pa sumiaščalnictvie) kiraŭnika Ofisa prezidenta Ukrainy, zvolnienyja z pasad», — havorycca ŭ adkazie OPU na zapyt «Ukrainskich navin».
Pieralik zvolnienych asob padadzieny nie byŭ. Ale, pavodle papiarednich publičnych zajavaŭ OPU, viadoma, što na śniežań 2024 hoda Andrej Jarmak mieŭ 9 daradcaŭ. Michaił Padalak byŭ pazaštatnym.
Michaił Padalak — adzin z klučavych publičnych śpikieraŭ i palittechnołahaŭ kamandy Uładzimira Zialenskaha. Padčas poŭnamaštabnaj vajny staŭ adnym z hałoŭnych miedyjnych hałasoŭ OP.
Raniej Padalak pracavaŭ žurnalistam u Biełarusi. U červieni 2004 hoda KDB pryznaŭ jaho pahrozaj nacyjanalnaj biaśpiecy, departavaŭ ź Biełarusi va Ukrainu i zabaraniŭ ujezd na 5 hadoŭ.