Saudaŭskaja Aravija i Kijeŭ rychtujuć «hihanckuju damovu» na fonie iranskaj pahrozy
Jak vyśvietliła vydańnie The Kyiv Independent, Saudaŭskaja Aravija padpisała z Kijevam kantrakt na pastaŭku ŭkrainskich rakiet-pierachopnikaŭ, a prama zaraz baki finalizujuć jašče bolš maštabnaje pahadnieńnie. Pavodle krynic va ŭkrainskim VPK, hetaja «hihanckaja damova» moža być aformlena da kanca biahučaha tydnia.
Źbity bieśpiłotnik. Fota: AP Photo / Evgeniy Maloletka
Hałoŭnaj pryčynaj takoj cikavaści Saudaŭskaj Aravii da ŭkrainskich raspracovak stała ŭnikalnaja ekśpiertyza Kijeva ŭ baraćbie ź iranskimi bieśpiłotnikami.
Ukraina siońnia vałodaje najvialikšym u śviecie dośviedam efiektyŭnaha źniščeńnia dronaŭ typu «šachied», jakimi iranskija siły rehularna atakujuć naftavuju infrastrukturu saudaŭcaŭ.
Vykarystańnie ŭkrainskich rakiet-pierachopnikaŭ dazvolić karaleŭstvu stvaryć bolš tannuju i efiektyŭnuju ešałanavanuju sistemu SPA, nie spadziejučysia vyklučna na darahija amierykanskija kompleksy Patriot.
Hetaje zbližeńnie adbyvajecca ŭ momant vostraha kryzisu na Blizkim Uschodzie: popyt na efiektyŭnyja srodki abarony ad iranskaj zbroi vyras u razy.
Dla Ukrainy takaja ŭhoda aznačaje nie tolki finansavuju padtrymku abaronnaha siektara, ale i faktyčnaje stvareńnie vajenna-techničnaha aljansu z adnoj z samych bahatych krain śvietu.