«Hieahrafija ŭkrainskich dalokabojnych sankcyj pastajanna pašyrajecca». Zialenski prakamientavaŭ udar «Fłaminha» pa zavodzie, jaki vyrablaje «Arešniki»
«Kožny rasijski abaronny abjekt, jaki pracuje na vajnu suprać Ukrainy, — heta spraviadlivaja cel dla našych dalokabojnych sankcyj», — napisaŭ prezident Ukrainy ŭ svaim telehram-kanale.
«Siońnia ŭnačy rakiety FP-5 «Fłaminha» paśpiachova parazili pradpryjemstva «Tytan-Barykady» ŭ Vałhahradzie. Heta vialiki pramysłovy kompleks, dzie vorah vyrablaje artyleryjskija sistemy i śpiecyjalnuju vajennuju techniku, u tym liku elemienty puskavych rakietnych ustanovak dla ŭdaraŭ pa našych ludziach. Zafiksavana trapleńnie z nastupnym pažaram na terytoryi zavoda. Dziakuju voinam našych Sił abarony za dakładnaść.
Hieahrafija ŭkrainskich dalokabojnych sankcyj pastajanna pašyrajecca. I mienavita naš cisk štodnia zakładaje asnovu dla taho, kab urešcie hodny mir byŭ. Ja ŭdziačny kožnamu ŭkrainskamu inžynieru i voinu, jakija zabiaśpiečvajuć našu dalokabojnaść. Słava Ukrainie», — napisaŭ jon.
Čytajcie taksama:
Ukraina ŭdaryła piaćciu «Fłaminha» pa zavodzie ŭ Vałhahradzie, dzie vyrablajuć «Arešnik»