Ukraina ŭdaryła piaćciu «Fłaminha» pa zavodzie ŭ Vałhahradzie, dzie vyrablajuć «Arešnik»
«Vałhahrad sustrakaje siezonnuju mihracyju fłaminha z Ukrainy. Praciah budzie», — napisaŭ Dzianis Štylerman, kiraŭnik ukrainskaj kampanii, što vyrablaje «Fłaminha».
Kiraŭnik ukrainskaj kampanii Fire Point Dzianis Štylerman paviedamiŭ, što Vałhahrad atakavali kryłatyja rakiety «Fłaminha». Miascovyja žychary publikujuć kadry, na jakich vidać papadańni rakiet u zavod «Tytan-Barykady».
Udaryli jak minimum piaćciu rakietami. Uźnikli pažary.
Štylerman apublikavaŭ videakadry, na jakich, jak śćviardžajecca, vidać zapusk piaci rakiet. «Vałhahrad sustrakaje siezonnuju mihracyju fłaminha z Ukrainy. Praciah budzie», — napisaŭ jon.
Miascovyja žychary paviedamlajuć pra vybuchi ŭ horadzie, jakija prahučali kala čatyroch hadzin ranicy pa miascovym časie. Na adnym z rolikaŭ vidać naŭprost, jak rakieta traplaje ŭ niejki abjekt i vybuchaje.
Miascovyja ŭłady pra ŭdary nie paviedamlali. Raniej «Rasavijacyja» papiaredžvała pra zakryćcio aeraporta Vałhahrada.
Pavodle danych Hałoŭnaha ŭpraŭleńnia raźviedki Ministerstva abarony Ukrainy, pradpryjemstva ŭ Vałhahradzie ŭvachodzić u dziaržaŭnuju karparacyju «Raskosmas» i źjaŭlajecca raspracoŭščykam i vytvorcam samachodnaj puskavoj ustanoŭki ATRK «Iskander-M», aŭtanomnaj puskavoj ustanoŭki rakietnaha kompleksu «Tapola-1». Tam mohuć vyrablać i «Arešnik», pra miescy vyrabu jakoha pakul viadoma mienš.
Heta ŭžo druhi viadomy ŭdar pa rasijskich abaronnych pradpryjemstvach za apošnija niekalki dzion. 22 červienia ŭkrainskija rakiety ŭdaryli pa Varoniežy, dzie byŭ paškodžany zavod paŭpravadnikovych pryboraŭ, zahinuli piać čałaviek.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary