U Adesie sudzili biełarusku, jakaja abmaciukała pjanaha muža — jon pakryŭdziŭsia i pahražaŭ skončyć žyćcio samahubstvam
Pierapałochanaja žančyna sama pazvaniła ŭ palicyju, ale mienavita jaje zrabili vinavataj — u «psichałahičnym hvałcie».
U Adeskaj vobłaści biełarusku sudzili za «chatni hvałt psichałahičnaha charaktaru». Žančyna pasvaryłasia sa svaim pjanym mužam, aboje niecenzurna łajalisia.
Adnak urešcie jon pajšoŭ z domu, pahražajučy skončyć žyćcio samahubstvam. Spałochanaja žančyna patelefanavała ŭ palicyju.
Ale ŭ vyniku major Ramaščanka skłaŭ pratakoł mienavita na žonku — za toje, što jana łajałasia na muža i tym samym «naniesła škodu jaho psichičnamu zdaroŭju».
U sudzie žančyna vinu pryznała i ščyra raskajałasia. Muž, jaki prysutničaŭ na pasiadžeńni, daravaŭ žoncy i prasiŭ stroha nie karać — para pamiryłasia. Sud paličyŭ pravaparušeńnie małaznačnym i vyzvaliŭ biełarusku ad administracyjnaj adkaznaści, abmiežavaŭsia zaŭvahaj.