Piensii ŭ červieni źmienšylisia na 0,2%
Siaredni pamier piensii, naznačanaj orhanami pa pracy, zaniataści i sacyjalnaj abaronie, u červieni hetaha hoda skłaŭ u Biełarusi Br469,7 tys., paviedamili ŭ Nacyjanalnym statystyčnym kamitecie.
Pavodle słoŭ śpiecyjalistaŭ, heta na 97% pieravyšaje biudžet pražytačnaha minimumu dla piensijanieraŭ (u adpaviednaści z pastanovaj Savieta Ministraŭ Respubliki Biełaruś №651 BPM dla piensijanieraŭ u cenach sakavika 2010 hoda ŭ raźliku na adzin miesiac z 1 maja pa 31 lipienia hetaha hoda składaje Br238,4 tys.).
Siaredni pamier piensii pa ŭzroście ŭ červieni byŭ Br491,9 tys., pa invalidnaści — Br430,6 tys., u suviazi sa strataj karmiciela — Br289,7 tys. Pamier sacyjalnaj piensii skłaŭ Br198,7 tys. Realny pamier naznačanaj miesiačnaj piensii (skarektavanaj na indeks spažyvieckich cenaŭ na tavary i pasłuhi) u červieni 2010 hoda ŭ paraŭnańni z červieniem 2009 hoda pavialičyŭsia na 12,4%, u paraŭnańni z majem 2010 hoda źmienšyŭsia na 0,2%.
Na ŭliku ŭ orhanach pa pracy, zaniataści i sacabaronie Biełarusi ŭ červieni hetaha hoda byli 2 młn. 464,1 tys. piensijanieraŭ.