Łukašenka pavinšavaŭ Abamu z dniom narodzinaŭ
«U Respublicy Biełaruś Vas viedajuć jak pryncypovaha, dalnabačnaha i prahmatyčnaha palityka», havorycca ŭ vinšavańni.
Alaksandr Łukašenka pavinšavaŭ z dniom naradžeńnia prezidenta Złučanych Štataŭ Amieryki Baraka Abamu.
«U Respublicy Biełaruś Vas viedajuć jak pryncypovaha, dalnabačnaha i prahmatyčnaha palityka.Źniešniepalityčnyja padychody administracyi Złučanych Štataŭ Amieryki, nakiravanyja na pošuk novych partnioraŭ, ustanaŭleńnie ź imi ŭzajemapavažalnaha i svabodnaha ad stereatypaŭ uzajemadziejańnia, supadajuć z našym razumieńniem pryncypaŭ raźvićcia miždziaržaŭnaha supracoŭnictva», — havorycca ŭ vinšavańni.
Alaksandr Łukašenka vykazaŭ upeŭnienaść, što «sumiesnymi namahańniami my zmožam napisać jakasna novuju staronku, paviedamlaje BIEŁTA.biełaruska-amierykanskich adnosin i vyvieści ich na ŭzrovień, jaki adpaviadaje intaresam narodaŭ abiedźviuch krain»
Adnosiny Biełarusi i ZŠA pahoršylisia ŭ sakaviku 2008 hoda paśla apublikavańnia ŭdakładnieńniaŭ da sankcyj adnosna dziaržaŭnaha kancerna «Biełnaftachim». 7 sakavika z Vašynhtona dla kansultacyj byŭ adklikany pasoł Biełarusi ŭ ZŠA Michaił Chvastoŭ. 12 sakavika pa nastajańni biełaruskaha boku Minsk pakinuła pasoł ZŠA Karen Ściuart. Zatym amierykanskamu boku było rekamiendavana skaracić kolkaść supracoŭnikaŭ dypmisii. 27 sakavika Minsk pakinuli 17 amierykanskich dypłamataŭ, rabotu pradoŭžyli 15 supracoŭnikaŭ. Jašče 11 amierykanskich dypłamataŭ pakinuli Minsk pa prapanovie biełaruskaha boku 3 maja 2008 hoda.
Ciapier ZŠA źbirajucca admaŭlacca ad rezidencyi pasła ŭ Raŭbičach, bo, pavodle słovaŭ časovaha pavieranaha Majkła Skenłana, «niama sihnałaŭ, što situacyja źmienicca». Padčas muzyčnaha fiestyvala «Ambasovišča», jaki prajšoŭ u Raŭbičach apošni raz, Skenłan adznačyŭ, što
«Złučanyja Štaty nie zdradziać pryncypovaj pazicyi ŭ adnosinach da acenki vykanańnia pravoŭ čałavieka ŭ Biełarusi». Urad Biełarusi maje zrabić «krok nasustrač», kali choča supracoŭnictva, padkreśliŭ pradstaŭnik ZŠA.