Michaił Hraboŭski zakinuŭ dźvie šajby ŭ matčy suprać «Anachajma»

21.01.2011 / 09:40

nn.by

Biełaruski forvard «Taronta» Michaił Hraboŭski zakinuŭ dźvie šajby ŭ matčy z «Anachajmam», jaki zavieršyŭsia pieramohaj kanadskaha kłuba 5:2.

«Klanovyja listy» vyjhravali ź likam 3:2, kali za spravu ŭziaŭsia Michaił.

4-ju šajbu kamandy jon zakinuŭ na 46-j chvilinie, a 5-ju na 52-j i byŭ pryznany druhoj zorkaj u hulni.

Takim čynam u hetym siezonie lik šajbaŭ biełarusa dasiahnuŭ 20,

u jaho na rachunku 17 asistenckich bałaŭ (usiaho 37 bałaŭ) i ŭpeŭnienaje lidarstva siarod niešmatlikaha biełaruskaha desanta ŭ NCHŁ. U minułym siezonie ŭ Michaiła było na rachunku 16 šajbaŭ i 20 asistenckich pasaŭ.

U Andreja Kaścicyna (Manreal) u siezonie 2010/2011 — 25 bałaŭ (12+13), Rusłana Saleja (Detrojt) — 6 (0+6), u Siarhieja Kaścicyna (Nešvił) — 24 (12+12),

pryčym Siarhiej zakinuŭ svaju 12-ju šajbu siońnia ranicaj ŭ matčy suprać «Kałarada» (5:1) i pa kolkaści šajbaŭ zraŭniaŭsia sa starejšym bratam.

Čytajcie taksama:

Kamientary da artykuła