Košt navučalnych nietbukaŭ składzie $330, a zachoŭvacca jany buduć u škołach
Ale kali nietbuki złamajucca, baćki nie zapłaciać ni rubla.
Košt nietbukaŭ, jakija buduć pastaŭlacca ŭ biełaruskija škoły, składzie $330. Pra heta paviedamiŭ namieśnik dyrektara Parka vysokich technałohij Alaksandr Marcinkievič. Vydatki na nabyćcio pieršych 100 pryładaŭ padzielać rezidenty Parku vysokich technałohij i AAT «MPOVT».
Nietbuk kamplektujecca pracesaram Intel Atom, 1 HB apieratyŭnaj pamiaci i ćviordym dyskam abjomam 320 HB.Pryłada moža pracavać pad upraŭleńniem Linux ci Windows, ale dla biełaruskich školnikaŭ praduhledžana apošniaja. Taksama ŭ kamplekcie pastaŭlajecca 15 navučalnych prahram i ličbavych padručnikaŭ.
Darečy, nietbuk vyrablajecca ŭ supraćudarnym i vodaniepranikalnym korpusie. Tym nie mienš, kali vučań złamaje nietbuk, kampiensavańnie laža na sponsaraŭ prahramy, a nie na baćkoŭ. U lubym vypadku,
nietbuk budzie zachoŭvacca ŭ škole, i jaho nie buduć pieradavać dla chatniaha vykarystańnia.