Maryna Adamovič atrymała list ad Statkieviča — pieršy za try miesiacy
Pra heta jana napisała ŭ svaim fejsbuku. Maryna Adamovič zaznačaje, što list napisany - 18 kastryčnika, praštampavany cenzaram - 19-ha, adpraŭleny sa Škłova - 28-ha.
"Akurat nazaŭtra paśla čarhovaj pajezdki i zapisu ŭ "Knizie skarhaŭ" kałonii. Jość i takaja...", -- piša jana.
Maryna Adamovič zaznačaje, što Mikoła Statkievič dziakuje ŭsim za padtrymku.
Eks-kandydat u prezidenty M.Statkievič byŭ aryštavany 19 śniežnia 2010 h. i asudžany na šeść hadoŭ źniavoleńnia. Adbyvaje pakarańnie ŭ Škłoŭskaj kałonii. Za kratami taksama znachodzicca eks-kandydat u prezidenty Andrej Sańnikaŭ i jašče 12 palitviaźniaŭ.