1 śniežnia pačynaje dziejničać biełaruska-łatvijskaje pahadnieńnie ab prymiežnym ruchu

1 śniežnia ŭ Viciebskim abłvykankamie adbudziecca abmien piśmovymi paviedamleńniami ab vykanańni Biełaruśsiu i Łatvijaj unutrydziaržaŭnych pracedur, nieabchodnych dla ŭvachodžańnia ŭ siłu mižuradavaha pahadnieńnia ab sproščanym paradku ŭzajemnych pajezdak žycharoŭ pryhraničnych terytoryj dźviuch krain.

Jak paviedamlaje pres-słužba biełaruskaha MZS, miarkujecca, što z 1 śniežnia miascovyja orhany zmohuć pačać farmiravańnie śpisaŭ žycharoŭ pryhraničnych terytoryj, jakija majuć prava na atrymańnie adpaviednych dazvołaŭ. Niepasredna vydača dazvołaŭ u hienieralnym konsulstvie Biełarusi ŭ Daŭhaŭpiłsie i konsulstvie Łatvii ŭ Viciebsku čakajecca z 1 lutaha 2012 hoda.

«Realizacyja pahadnieńnia pazityŭna paŭpłyvaje na raźvićcio dvuchbakovych adnosinaŭ, dazvolić aktyvizavać ekanamičnyja adnosiny z pryhraničnymi terytoryjami Łatvii, kantakty pradstaŭnikoŭ miascovych orhanaŭ samakiravańnia, biźnies-kołaŭ, pryhraničny handal, pašyryć mižčałaviečyja i kulturnyja suviazi, budzie spryjać padtrymańniu svajackich, siamiejnych kantaktaŭ, pakolki sprościć paradak ujezdu na terytoryju Biełarusi etničnych biełarusaŭ, jakija kampaktna žyvuć na sumiežnaj ź Biełaruśsiu terytoryi Łatvii», — padkreślivajecca ŭ paviedamleńni MZS.

Pahadnieńnie praduhledžvaje sproščany (biaźvizavy) paradak pierasiačeńnia dziaržaŭnaj miažy žycharami pryhraničnych terytoryj, jakija

Dazvoły buduć vydavacca na termin ad adnaho hoda da piaci hadoŭ.

Zbor za pryniaćcie i razhlad zajavy ab vydačy dazvołu składzie 20 jeŭra.

Kamientary da artykuła